you changed my life
you changed my life
you changed my life
Would you like to react to this message? Create an account in a few clicks or log in to continue.



 
البوابهHomeLatest imagesRegisterLog in
لقد تم تفعيل نظام النقاط والسمعة اي تزداد نقاطك على عدد مساهماتك وكلما زادت نقاطك زادت رتبتك تلقائيا .
للشكاوي والاقتراحات نرجو مراسلتنا عبر the--romance@windowslive.com

you changed my life :: الأقسام المتميزة :: بسمة النقاشات الجادة
 

 رباعيات الشاعر المصرى احمد الهمامى

Go down 
AuthorMessage
nanym

avatar


عدد الرسائل : 2
السمعة : 0
تاريخ التسجيل : 2010-01-08

رباعيات الشاعر المصرى احمد الهمامى Empty
PostSubject: رباعيات الشاعر المصرى احمد الهمامى   رباعيات الشاعر المصرى احمد الهمامى EmptyFri Jan 08, 2010 5:04 pm
الشاعر المصرى –احمد الهمامى


الفساد والرشاوي والمحســــوبيه

3 عـــــــلـــل في المــــصـــراويه

سوس وبينـخر في الجــسد العليل

ويا هــــنقتله يا نمـــــــوت ضحيه

وآه

الــــــــدنيا أوضه مقفـوله وليها 4 حيطـان

ودول نصــــــــيبك منها يا أيــــــها الإنسـان

والسقف ده حـــدود حلــمك وآخـــــــــــــرك

ولكن برضه فيه شباك مفتوح للأمل كـمان

وآه

ضـــــريح لست وقـــالوا عنها مـــبروكه

واللي تزورها تلقى كل عقادها مفــكوكه

أنــــا روحـــت أزورها ودعــيت وقـــلـت

يا رب خــــــايفه تبــقى الست مســكوكه

وآه
* * *


يــــــاما صادفت في سكـتي خوازيق

وصادفت برضـه عــصافير وزقازيق

عــــــــــرفت دُول وعـــــــاشرت دُول

بس الـــــــمهـــم إنـي فهمت الطريق

وآه

الكـــــــــــــــون دا كله أنا لــيا حــق فــيه

مــــــش بس وطــني الـلي اتولدت علـــيه

أنــــــــا ليا حـــق في كل شبر في الدنــــيا

ومعرفش حبسني في الحدود عشان ايه؟

وآه

يا بــــــــــاب الســـعد إمتى هتفتحــلي

وألاقــــــي الوعد قدامي ومسموحلي

أفـــــــــــتح السمسم وأشـوف الكنوز

ولا حـــد يحـــاسبني ولا ست تردحلي

وآه

يا ملـــــونين الليل بألــوان النبيت

ومفكرين الدنيا سُكر على طنطيت

عاملـــين حســــــــــابكم للي جاي

دا اللي يآمــن للزمـــــــــان عبيط

وآه

الدنــــــــيا دي زي الــهـــوي الغدار

مـــمكن تفتح تلاقي الطيبين أشـرار

الذنـــــب مش ذنبك ده طـــبع الحـياه

وهي مـخلوقه كده وليها كتير أعذار

وآه

قُطِّـــــــــــــــي الشــيرازي قاعــد بيلعب سيبوه

لا تندهوه ولا تقلقوه واوعوا بصوتكم تزعجوه

محلى الحـــــــــــــــياه مــــن غــير نــظر للغير

حتى لو كــــان قــــــــــــــــط أو ولـــــد مــعتوه

وآه

ميـــــــــــن اللي ماسمعش عنك أو شـاهد إنجازاتك

يا ســـــــادات يا سابق عصرك ياللي خسرنا بمماتك

وحتى لو قالوا إنك غلطْت كتير مين اللي مغلطشي؟

واهُـــــه جِه أوان واللي عادوك أهُم حلفوا بحيـاتك

وآه

فــــــــوق الجبل مــن أعـــلى نقـــطه

شوفت النجوم والسدوم ولمحت قطه

يا هـــل ترى مين اللي رمـــاها هـنا

هربــــانه من كلــب ولا جايه غلـطه

وآه

ا خـالق الطـير بجنـاحين

وخالــقني ماشي بعكازين

يـــــا رب اجــــعــلني أطير

لو كــــــــل يـــوم ساعتين

وآه
* * *


ياللــــى بتلهى الوز وتخـــــوفه بالـغرق

ومعيــــــــــــــشه دايمــا فى حيرة وقلق

الــــــــــــوز من يومه عوام وابن عوم

ولا يمكن يخاف ده ع الشجاعة اتـخلق

وآه

ما فاضـــــــــلش مني غير حــطام إنسـان

منبوذ ومـــــــــــــهزوز والجـسد عَــــــلَّان

معقـول دي صـــورتي معــــقول ده صوتي

أنا صـــــرت عِـــــبره للي يخالف الرحمن

وآه


عــــــــيد والدنـــــــيا زحمه وحـــر موت

ومفيـــــــش مـــكــان للي بيحب السكوت

النـوادي والجــناين والمراسي كومبليت

ومــقدامــــــــيش غـــير إني أطق أموت

وآه
* * *


أنا قلـــبي كان مـولود بـريء

وكان صـافى وبيحب الشقيق

إزاي قِـــــــدِر يمـــــص دمه

ويطــــعنه بحــق وحـــــقــيق

وآه
* * *


أحــــــــب الضــــــتحك للـضحك ولـــــو ملوش أسبـــاب

وبَضحَك وأكـــــــركر عــلى أي حاجه ولوكـــانت عـذاب

مين اللي بيلـــــــــــومني أستاذ نكد ولا الست تكـشـيره

يا ريــتهم يضحكوا زيي محلاها عيشه المرح يا أحـباب

وآه
* * *


مــــركب ورق بتـــعوم قصادي في طشط مَيَّه

وعليها ركابها من النمل اللي ياما قرص فِيَّه

أغَــــــــرَّقها ولا أحــرقها ولا أعــمل فيها إيه

حـــاولت بــــــــس ما اقــــدرتش صِـعبُم عَلَيَّه

وآه

على جســــر رابــــط بين شـــطين .. وقفت

بصيت لفوق عالكــواكب والنجوم .. وشفت

السمــــــــــــــا فيــها كل أحلامي الجمـــيلة

نزلت نظــــري نــــظرت للمَــــيَّه .. غِــرِقت

وآه

يا خـــالقني وعــارف كــل أسراري

وشايف عمايلي طول ليلي ونهـاري

يـــــــــــا رب اغــــفر ليــــــا ضعفي

وسامــــــحني واقبــل كـــل أعذاري

وآه
· * *

للمزيد من رباعيات الشاعر المصرى –احمد الهمامى بموقع:.Ww w. robaeyat .com
Back to top Go down
 
رباعيات الشاعر المصرى احمد الهمامى
Back to top 
Page 1 of 1
 Similar topics
-

Permissions in this forum:You cannot reply to topics in this forum
you changed my life :: الأقسام المتميزة :: بسمة النقاشات الجادة-
Jump to: